Publicity seeker Rakhi sawant kafi dino se charcha mein nahi aai thi. Swayamvar me shadi ke naam par rakhi ne jo janta ke samne natak kiya, uska sach jald hi "Elesh" se sagai todne ke bad samne aa gaya. Nautanki queen Rakhi ne Baba Ramdev se shadi karne ki chahat ka izhar karke fir se surkhiyon me jagah bana li hai. Jabki wo acchi tarah janti hai ki ye sambhav nahi hai,
Baba ramdev ek acche kam ke liye andolan kar rahe hai, unki vajah se sarkar ka asli chehra janta ko dekhne ko mila. Baba Ramdev ne jo andolan shuru kiya hai usme ve aaj nahi to kal safal ho hi jayenge kyoki baba ke sath pura desh videshi kaledhan ko vapas lane ki mang kar raha hai. Agar aisa ho gaya to desh ki tarvir to badal hi jayegi sath mein Baba Ramdev ke bhi kisi mahatvpurn pad par aaseen hone ki sambhavnao ko bal milega.
Rakhi ki mansha ka andaja isi bat se lagaya ja sakta hai ki jo rakhi sawant ne swayamvar mein aye hazaro profile mein se kuchh darjan bhar select karne ke bad, un darjano ladko ko kai hafte tak har tarike se thok peet kar dekhne ke bad bhi shadi karne ki bat se mukar gai, jabki baba se to wo mili bhi nahi hai. kuchh samay pahle Rahul gandhi se shadi karne ka khwab dekhne wali rakhi ne ye kahkar bat badal di ki, Soniya gandhi ke samne unki dal nahi galegi.
Aaj kal kai nai models bhi publicity ke liye rakhi ke bataye raste par chal rahi hai jaise 'Punam Pandey'. usne bhi team india ke world cup jeetne ke bad nude hone ka wada kiya. isse use bahut fayda hua baithe bithaye ek reality show "khatro ke khiladi" mil gaya. socha tha na team world cup jeetegi aur na hi nude hona padega. Par shukra hai ki team ki mehnat se world cup humara hua. uske bad punam ka bahana ki BCCI permission nahi de raha. to madam wada karne se pahle kiski permission li thi apne.
Har ul julul bayan se publicity to ho jati hai par uske bad jo khilli udti hai wo jhelna aam sharif logo ke bas ki bat nahi. Iske liye rakhi jaisa jigar hona chahiye.
No comments:
Post a Comment